az en

Bayıl stadionu

Bakının  Səbayıl rayonu 20-ci sahə adlanan ərazisində, AFFA-nın nəzdində inşa olunmuş “Bayıl Stadionu“nun açılış mərasimi 2012 - ci ilin avqust ayında keçirilmişdir. Stadionda quraşdırılmış süni ot örtüyü FİFA tərəfindən “artificial FİFA**” keyfiyyət nişanına layiq görülüb. Burada baş tutmuş ilk oyun 03.09.2012 tarixində 17 yaşadək qızlardan ibarət Azərbaycan və Zambiya yığmaları arasında keçirilmiş yoldaşlıq görüşü olmuşdur. Arena elə həmin il 17 yaşadək qızlardan ibarət  dünya çempionatının bir sıra oyunlarını qəbul etmişdir.
İnfrastruktur:
24 nəzarət kamerası, 1500 Lux projektor, 2 ədəd ehtiyyat üçün generator (10 saniyə ərzində bütün ərazini işıqla təchiz edə bilər), 2 transformatorlu 1000-400 KVA-Lıq alçaldıcı yarımstansiya,  böyük LED ekran 3.65x2.47 m. 

Dayanacaq:
Avtomobillər  dayanması üçün  stadion ərazisində 40 VİP dayanacaq yeri nəzərdə tutulub.
İzləyicilər və VİP:
Stadion ümumilikdə 3200 nəfər azarkeş tutumuna malikdir. Onlardan 450 ədədi VİP oturacaqlardır. Əlillər üçün 9 yer və girişdə 4 ədəd turniket quraşdırılıb. Arenada həmçinin  3 “skybox” və 60 nəfərlik “VİP Lounge”  mövcuddur.
Komanda və oyun rəsmiləri ərazisi:
Arenada dörd paltardəyişmə otağı mövcuddur: A, B (50.31 m2 ), C (40.50 m2 ) və D (26.72 m2)  paltardəyişmə otaqlarının hər biri 25 geyim dolabı, 2 tualet, 7 duş və massaj masası ilə təchiz olunub. Stadionda həmçinin  hər birində 6 geyim dolabı, 1 tualet və 1 duş  olan 2 hakim otağı, dopinq otağı, həkim otağı, FİFA-UEFA otağı yaradılıb. 
Media:
Media nümayəndələri üçün olan tribuna 60 yerlikdir. Onlardan 38 yer masa, elektrik və internet ilə təchiz olunub. Media konfrans zalı 60 nəfərlik,  media mərkəzi isə 48 nəfərlik tutuma malikdir və lazımı texniki avadanlıqlarla təchiz olunub. 
 
Baş Sponsor 
Proyekt Partnyorları