AFFA, Təhsil Nazirliyi və Coca-Cola şirkətinin birgə layihəsi olan “Coca-Cola Məktəbli Kuboku” turnirinin final mərhələsinin açılış mərasimi keçirilib.
Hövsan Olimpiya kompleksində təşkil olunan mərasimində final mərhələsinə vəsiqə qazanan 16 komanda iştirak edib. Tədbirdə Təhsil Nazirliyinin şöbə müdiri Vasif Məmmədov, “Azerbaijan Coca-Cola Bottlers” şirkətinin baş direktoru Erdinc Güzel və AFFA-nın baş katibi Elxan Məmmədov çıxış edərək komandalara uğurlar arzulayıblar. Sonra final mərhələsinə vəsiqə qazanan komandaların baş məşqçilərinə sertifikatlar təqdim olunub.