UEFA Avropa Liqası turnirindəki təmsilçilərimiz “Qarabağ” və “Qəbələ” qrup mərhələsinə vəsiqə qazanıb.
“Qarabağ” Tofiq Bəhramov adına Respublika stadionunda İsveçin “Göteborq” komandasını Rəşad Sadıqov, Muarem Muarem və Dani Kintananın vurduğu qollarla 3:0 hesabı ilə məğlub edib. Bu komandalar arasında İsveçdə keçirilmiş ilk oyunda meydan sahibləri minimalhesablı qələbə qazanmışdı.
Sloveniyada “Maribor”un qonağı olan “Qəbələ” 0:1 hesabı ilə məğlub olmasına baxmayaraq, ilk oyunda qazandığı 3:1 hesablı qələbə sayəsində qrup mərhələsinə vəsiqə əldə edib.
UEFA Avropa Liqası turnirinin qrup mərhələsinin püşkatma mərasimi avqustun 26-da, Bakı vaxtı ilə saat 15:00-da Monako şəhərində keçiriləcək.
