AFFA-nın Beynəlxalq Əlaqələr Şöbəsinin müdiri Könül Mehtiyeva 17 yaşadək qızlardan ibarət komandalar arasında Avropa çempionatının seçmə mərhələsinin Portuqaliyada keçiriləcək 10-cu qrupunun oyunlarına təyinat alıb. O, sentyabrın 25-dən oktyabrın 1-dək keçiriləcək oyunlarda UEFA nümayəndəsi olacaq. Bu qrupda Portuqaliya, Avstriya, Gürcüstan və Şimali İrlandiya yığmaları mübarizə aparacaq.
