Qadınlardan ibarət milli komandanın üzvləri, eləcə də U-13 qızlar liqasının iştirakçıları “Avropa Liqası muzeyi”ni ziyarət ediblər.
Qadın futbolçularımız muzeydə Avropa Liqası tarixini özündə əks etdirən eksponatlarla tanış olublar, eləcə də xatirə şəkilləri çəkdiriblər.
Qeyd edək ki, muzey mayın 29-da UEFA Avropa Liqasının final oyununun Bakıda keçirilməsi ilə əlaqədar yaradılıb. Dekabrın 22-dən fəaliyyət göstərən muzey bu gün son dəfə saat 15:00-dan 22:00-dək ictimaiyyətə açıq olacaq.
“Avropa Liqası muzeyi”nə giriş ödənişsizdir.
