AFFA-nın təşkilatçılığı ilə "Dalğa Arena"da idman mediasının nümayəndələri üçün Milli Mətbuat Gününə həsr olunmuş "Media Futbol Festivalı" adlı tədbir keçirilib. KİV təmsilçiləri və AFFA əməkdaşlarının iştirakı ilə 4 oyundan ibarət mini-turnir təşkil olunub. Oyunlar başa çatdıqdan sonra tədbir iştirakçıları üçün ziyafət verilib. AFFA-nın baş katibi Elxan Məmmədov çıxış edərək mətbuat nümayəndələrini peşə bayramı münasibətilə təbrik edib. Sonra Media Komitəsinin elan etdiyi nominasiyalar üzrə qaliblər elan olunub.