Avstriyada təlim-məşq toplanışında olan Azərbaycan milli komandası yoldaşlıq oyunu keçirib.
Bad Erlach stadionunda Makedoniya yığması ilə qarşılaşan millimiz 1:3 hesabı ilə məğlub olub. Komandamızın qolunu penalti zərbəsindən Əfran İsmayılov vurub.
Avstriya toplanışı çərçivəsində millimiz son yoldaşlıq oyununda Kanada yığması ilə qarşılaşacaq. İyunun 3-də keçiriləcək oyun Bakı vaxtı ilə saat 21:00-da başlayacaq.
