Azərbaycan milli komandası 2016-cı ildə Fransada təşkil olunacaq Avropa çempionatının seçmə mərhələsində çıxışını başa vurub.
Seçmə mərhələnin son oyununu Sofiya şəhərindəki Vasil Levski Milli Stadionunda Bolqarıstan yığmasına qarşı keçirən millimiz 0:2 hesabı ilə məğlub olub.
Futbolçularımızın mübarizə apardığı H qrupunda 1-ci pilləni İtaliya, ikinci yeri isə Xorvatiya yığması tutaraq Avro-2016-nın final mərhələsinə birbaşa vəsiqə qazanıb. Üçüncü pillədə qərarlaşan Norveç millisi isə Fransaya yollana bilmək üçün paly-off oyunları keçirəcək.
Millimiz qrupda 6 xal toplayaraq 5-ci yerlə kifayətlənməli olub.
Azərbaycan milli komandasının seçmə mərhələdə keçirdiyi bütün oyunların nəticəsini bir daha diqqətinizə çatdırırıq:
Azərbaycan – Bolqarıstan 1:2
İtaliya – Azərbaycan 2:1
Xorvatiya – Azərbaycan 6:0
Azərbaycan – Norveç 0:1
Azərbaycan – Malta 2:0
Norveç – Azərbaycan 0:0
Azərbaycan – Xorvatiya 0:0
Malta – Azərbaycan 2:2
Azərbaycan – İtaliya 1:3
Bolqarıstan – Azərbaycan 2:0
