Ölkəmizdə səfərdə olan UEFA-nın Məşqçilərin Təhsili şöbəsinin müdiri Frank Ludolph, AFFA-nın baş katibi Elxan Məmmədov, Texniki direktor Bernhard Lippert və Kütləvi futbolun koordinatoru Cahangir Həsənzadə “Məktəblərdə futbol dərsi” layihəsi çərçivəsində 201 və 65 saylı orta məktəblərdə keçirilən dərsləri və məşq prosesini izləyiblər. UEFA-nın nümayəndəsi dərslərin gedişindən razılığını bildirib və qeyd edib ki, UEFA tərəfindən bu layihə çərçivəsində Avropanın cəmi 6 assosiasiyasına köməklik göstərilir.
