"Məktəblərdə futbol dərsi" layihəsi çərçivəsində 2006-07-ci il təvəllüdlü oğlan və qızlardan ibarət komandaların iştirakı ilə tunir təşkil olunub. 25 məktəbin komandasının (Bakı, Qusar, Lənkəran, Şəki, İsmayıllı, Gəncə) iştirak etdiyi turnirin qrup oyunlarının Bakı mərhələsi yekunlaşıb. Bu mərhələnin digər qarşılaşmaları mayın 7-də və 8-də Gəncə şəhərində yerləşən Paşa Hüseynov adına futbol gimnaziyasında keçiriləcək. Turnirə mayın 29-da Bayıl Arenada keçiriləcək final mərhələsi ilə yekun vurulacaq.