Bu gün “Bakcell Arena”da “Neftçi” Peşəkar Futbol Klubunun muzeyinin və fan şopunun açılış mərasimi keçirilib.
Tədbirdə AFFA-nın, Peşəkar Futbol Liqasının və “Neftçi” PFK-nın rəhbərliyi, futbol ictimaiyyətinin nümayəndələri, media mənsubları iştirak edib.
AFFA-nın prezidenti Rövnəq Abdullayev və “Neftçi” PFK-nın Müşahidə Şurasının sədri Çingiz Abdullayev muzeyin rəmzi qırmızı lentini kəsib. Tədbir iştirakçıları muzeylə və fan şopla tanış olduqdan sonra “Neftçi”nin aşağı yaş qruplarına aid oğlanlardan və qızlardan ibarət komandalarının məşqini izləyib, xatirə şəkli çəkdiriblər.
