az en
News / İntizam Komitəsinin qərarları

İntizam Komitəsinin qərarları

AFFA Dərc olundu: 14.02.2018 Çap
İntizam Komitəsinin qərarları
10 fevral 2018-ci il, 2017/2018 mövsümündə, XXVI Topaz Premyer Liqasının XV turunun  “Qarabağ” – “Qəbələ” matçının 72-ci dəqiqəsində “Qarabağ” klubunun azarkeşləri tərəfindən meydançaya kənar əşyalar atıldığı üçün klub 1600 manat cərimə olunub (maddə 52).
 
10 fevral 2018-ci il, 2017/2018 mövsümündə, Topaz  Premyer Liqasında çıxış edən klubların əvəzedici heyətlərinin XV turunun “Keşlə” – “Səbail” matçında “Keşlə” klubunun 5 futbolçusu sarı vərəqə ilə cəzalandığı üçün klub 400 manat cərimə olunub  (maddə 40).
 
10 fevral 2018-ci il, 2017/2018 mövsümündə, Topaz  Premyer Liqasında çıxış edən klubların əvəzedici heyətlərinin XV turunun “Zirə” – “Sumqayıt” matçında “Sumqayıt” klubunun 4 futbolçusu sarı vərəqə ilə cəzalandığı üçün klub 400 manat cərimə olunub  (maddə 40).
 
12 fevral 2018-ci il, Bakcell U-17 Liqasında, “Səbail” – “Neftçi” matçının 43-cü dəqiqəsində “Neftçi” klubunun 6 №-li futbolçusu Vüqar Quliyev ikinci sarı vərəqə alaraq meydandan kənarlaşdırıldığı üçün 1 oyun cəzalanıb (maddə 48).
Oyunun 62-ci dəqiqəsində “Neftçi” klubunun 19 №-li futbolçusu İlkin Əbiyev kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb (maddə 37.1).
Oyunun 90+2 və 90+4-cü dəqiqələrində “Neftçi” klubunun müvafiq olaraq 5 №-li futbolçusu Nihad Qurbanlı və 1 №-li futbolçusu Abbas Abbasov hakimi təhqir etdiklərinə görə meydandan kənarlaşdırıldıqları üçün hər iki futbolçu 4 oyun cəzalanıb (maddə 42.3).
 
11 fevral 2018-ci il, U-14 Liqasında, “Qarabağ” – “Səbail” matçının 3-cü dəqiqəsində “Qarabağ” klubunun 1 №-li futbolçusu Tərxan Mehmanlının sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb (maddə 48).
 
10 fevral 2018-ci il, U-14 Liqasında, “Zirə” – “Qəbələ” matçının 29-cu dəqiqəsində “Zirə” klubunun 8 №-li futbolçusu Rza Əliyev, 7 №-li futbolçusu Cavidan Bilalzadə və “Qəbələ” klubunun 2 №-li futbolçusu Nuğay Rəşidov aqresiv davranışa görə birbaşa qırmızı vərəqə alaraq meydandan kənarlaşdırıldıqları üçün hər bir futbolçu  4 oyun cəzalanıb (maddə 38.3).
Oyunun 51-ci dəqiqəsində “Zirə” klubunun 6 №-li futbolçusu Məhəmməd Yəhyayev ikinci sarı vərəqə alaraq meydandan kənarlaşdırıldığı üçün 1 oyun cəzalanıb (maddə 48).
 
10 fevral 2018-ci il, U-14 Liqasında, “Autizmlilər” İK – “Mançester Yunayted” matçında “Autizmlilər” komandasanın iştirak etməməsinə görə kluba 0:3 hesablı texniki məğlubiyyət verilib (maddə 56).
 
U-12 Liqasında, “Xətai” klubunun futbolçusu İslam Kazımovun sənədlərinin saxta olması aşkarlanmışdır. İntizam Komitəsi bunu nəzərə alaraq futbolçunun iştirak etdiyi aşağıda göstərilən oyunlara 0:3 hesablı texniki məğlubiyyət verib.
  • U-12 Liqası: İsgəndər Cavadov BFA - Xətai FK
  • U-12 Liqası: Xətai FK - Zirə PFK
 
11 fevral 2018-ci il,  Azərbaycan həvəskarlar liqasının, “Balaxanı” – “Bərdə” FK matçında “Bərdə” klubunun 1 №-li futbolçusu İlkin Fərhadov hakimi təhqir etdiyinə görə 4 oyun cəzalanıb (maddə 42.3).
 

 
Baş Sponsor 
Partnyorlar