“Qarabağ” çıxışını Avropa Liqasında davam etdirəcək

Təmsilçimiz “Qarabağ” Tofiq Bəhramov adına Respublika stadionunda Kiprin APOEL klubuna 0:2 hesabı ilə məğlub olub. İki oyunun nəticəsinə əsasən Çempionlar Liqasında mübarizəsini dayandıran “Qarabağ” çıxışını Avropa Liqasında davam etdirəcək. Təmsilçimiz Avropa Liqasının pley-off mərhələsində Şimali İrlandiyanın “Linfild” komandası ilə qarşılaşacaq. Xatırladaq ki, bu mərhələnin oyunları avqustun 22-də və 29-da keçiriləcək. "Qarabağ" ilk görüşünü səfərdə keçirəcək.