Bu gün İsveçrənin Nyon şəhərində, UEFA-nın mənzil-qərargahında Çempionlar Liqasının üçüncü təsnifat mərhələsinin püşkatması keçirilib.
Çempionlar Liqasında mübarizə aparan “Qarabağ” ikinci təsnifat mərhələsini adlayacağı halda, BATE (Belarus) – “HJK Helsinki” (Finlandiya) cütünün qalibi ilə qarşılaşacaq.
Qeyd edək ki, “Qarabağ” ikinci təsnifat mərhələsində Albaniyanın “Kukesi” komandası ilə üz-üzə gələcək. İlk oyun iyulun 25-də səfərdə, cavab matçı isə avqustun 1-də Bakıda keçiriləcək.