UEFA Gənclər Liqası turnirində mübarizə aparan “Qəbələ” bu gün Moldovanın Tiraspol şəhərindəki “Şerif kiçik Arena”da “Şerif”lə qarşılaşıb.
“Qəbələ” 3:1 hesabı ilə qələbə qazanaraq növbəti mərhələyə vəsiqə əldə edib.
Qeyd edək ki, bu komandalar arasında oktyabrın 3-də Qəbələdə keçirilmiş ilk oyun 1:1 hesabı ilə başa çatmışdı.
“Qəbələ”nin UEFA Gənclər Liqasının II mərhələsindəki rəqibi Almaniyanın “Herta” və Polşanın “Lex” komandaları arasında bu gün keçiriləcək görüşdə müəyyənləşəcək. Almaniya təmsilçisi dogma meydanda keçirdiyi ilk oyunda 2:0 hesabı ilə qələbə qazanıb.