AFFA-nın təşkil etdiyi Region Liqası turnirinin finalçıları müəyyənləşib.
Bu gün 1/2 final mərhələsinin oyunları keçirilib. Sumqayıtın “Uğur” komandası “Füzuli” kollektivini 3:0 hesabı ilə məğlub edib. “Araz” (Naxçıvan) – “Energetik” (Mingəçevir) qarşılaşmasının əsas vaxtı 1:1 hesabı ilə başa çatıb. Qalib penaltilər seriyasında müəyyənləşib və “Energetik” (5:4) finala vəsiqə qazanıb.
Beləliklə, mayın 22-də, saat 18:00-da, Bayıl stadionunda keçiriləcək final oyununda “Energetik” və “Uğur” komandaları qarşılaşacaq. “Araz” və “Füzuli” komandaları həmin gün saat 14:00-da keçiriləcək oyunda üçüncü pillənin sahibini müəyyənləşdirəcək.
