UEFA Millətlər Liqası turnirinin qrup mərhələsində keçirilmiş Kosovo – Azərbaycan oyunundan sonra mətbuat konfransında millimizin baş məşqçisi Qurban Qurbanovun səsləndirdiyi fikirləri diqqətinizə çatdırırıq:
“Rəqibi təbrik edirəm. Layiqli qələbə qazandılar. Kosovo millsinin gücünü bilirdik. Bu gün məğlubiyyət gözləyirdim. Əfsuslar olsun ki, erkən qol futbolçulara böyük zərbə oldu. İlk yarıda qapımıza cəmi bir zərbə oldu. O da qolla nəticələndi. Fasilədən sonra da eyni ssenari təkrarlandı. Futbolçuların üstünə çox getməyək. Bu gün rəqibin əsl gücü tam bilindi. Rəqib komandanın oyunçularının fərdi ustalığı göz oxşayırdı. Kosovo millisinə uğurlar arzulayıram".