Bu gün AFFA-nın İnzibati binasında Topaz Premyer Liqasında çıxış edən klublar üçün Lisenziyalaşdırma və Maliyyə Fair Play mövzusuna həsr olunmuş seminar keçirilib. Seminarda UEFA-nın Klubların Lisenziyalaşdırılması və Maliyyə Fair Play şöbəsinin əməkdaşları Daniele Bernardi və Yekaterina Gerasimova iştirak ediblər. Seminar zamanı Azərbaycanda lisenziyalaşdırma sisteminin tətbiqi, Maliyyə Fair Play qaydaları və tələbləri, onların klublar tərəfindən düzgün şəkildə yerinə yetirilməsi ilə bağlı müzakirələr aparılıb.
UEFA nümayəndələri klublar tərəfindən verilmiş sualları cavablandırıb və qeyd olunmuş tələblərə əməl edilməsinin vacibliyini vurğulayıb, bununla bağlı tövsiyələrini verib.
