Xəbər verdiyimiz kimi, 2018/19-cu il mövsümünə hazırlıqla bağlı oğlanlar, qızlar, həvəskarlar və futzal liqalarındakı komandaların rəhbərləri və onlayn qeydiyyatını aparacaq şəxslərlə görüşlər keçirilir.
Görüşlərin məqsədi onlayn qeydiyyat sisteminin yeni tərtib olunmuş əsasnaməsi, qeydiyyatın başlama və son tarixləri, dəyişən qeydiyyat qaydaları və sənədlər haqda məlumatların verilməsidir. İlk treninq bu gün Sumqayıtdakı Kapital Bank Arenada keçirilib.
Treninqdə yeni klub yaradılması, istifadəçi adı və parolunun düzəldilməsi, oyunçu qeydiyyatının aparılması, oyunçu yenilənməsi, transfer, icarə proseslərin edilməsi, yeni lisenziya kartları haqda məlumat, sənədlərin bərkidilməsi və sair haqda geniş təqdimat olub.
