Futzal üzrə 17 yaşadək oğlanlardan və qızlardan ibarət Azərbaycan yığma komandaları 2018-ci ildə Argentinanın paytaxtı Buenos-Ayresdə təşkil olunacaq Gənclər arasında Olimpiya Oyunlarının təsnifat mərhələsi çərçivəsində son oyununu keçirib.
Slovakiyada keçirilən qrup mərhələsində Hollandiya yığması ilə qarşılaşan oğlanlardan ibarət millimiz 0:7 hesabı ilə məğlub olub. Qızlardan ibarət yığmamız isə Portuqaliyada keçirilən qrup mərhələsində Ukrayna yığması ilə 2:2 hesablı heç-heçə edib. Komandamızın qollarını Həqiqət Qasımova və Ayşən Əhmədova vurublar.
