UEFA Avropa Liqasının birinci təsnifat mərhələsində mübarizə aparan təmsilçilərimiz - “Zirə” və “İnter” ilk oyununu keçirib.
“Dalğa Arena”da Lüksemburqun “Differdange” klubunu qəbul edən “Zirə” 2:0 hesabı ilə qələbə qazanıb. Oyunda hesabı Riçard Qadze açıb. Fasilədən sonra Kervens Belfort komandasının üstünlüyünü 2 topa çatdırıb.
Avrokubok mövsümünə səfərdə start verən “İnter” isə Serbiya “Mladost”u ilə qarşılaşıb və 3:0 hesabı ilə qalib gəlib. Adrian Skarlatakenin dublu etdiyi oyunda digər qolu Rauf Əliyev vurub.
Bu komandalar arasında cavab qarşılaşması iyulun 6-da keçiriləcək.
