Qan donorluğunda fəal iştirakına görə Azərbaycan Futbol Federasiyaları Assosiasiyası Milli Hematologiya və Transfuziologiya Mərkəzi və Mərkəzi Qan Bankı tərəfindən təşəkkürnamə ilə təltif edilib.
Təşəkkürnamə bu gün AFFA-nın baş həkimi Vyaçeslav Xomenkoya təqdim olunub.
Xatırladaq ki, bu il mayın 21-də AFFA-nın təşəbbüsü ilə Futbol akademiyasında təşkil olunmuş qanvermə aksiyasında AFFA-nın, Peşəkar Futbol Liqasının, Premyer Liqa klublarının, futbol ictimaiyyətinin nümayəndələri iştirak etmişdi.
İyunun 14-ü bütün dünyada Beynəlxalq Qan Donoru Günü kimi qeyd olunur.