Bu gün Heydər Əliyev Fondunun təşəbbüsü ilə “Bakı Marafonu - 2022” keçirilib.
“Küləyə qalib gəl” şüarı altında beşinci dəfə keçirilən Bakı Marafonu bu il fərqli marşrutda təşkil edilib. Yarışın start nöqtəsi ilə yanaşı finişi də Dövlət Bayrağı Meydanında olub və 21 kilometrlik məsafəni əhatə edib.
Qeyd edək ki, AFFA-nın əməkdaşları və futbol ictimaiyyətinin tanınmış nümayəndələri marafonda iştirak ediblər. Yarışın start götürdüyü Dövlət Bayrağı Meydanının əyləncə zonasında AFFA tərəfindən səyyar meydança quraşdırılıb.