19 yaşadək futbolçulardan ibarət Azərbaycan milli komandası bu gün Avropa çempionatının seçmə mərhələsində ikinci oyununu keçirəcək.
7-ci qrupda yer alan millimiz İrlandiya yığması ilə üz-üzə gələcək. Moldovanın paytaxtı Kişinyovda yerləşən “Zimbru-2” stadionunda təşkil olunacaq qarşılaşmanı serbiyalı baş hakim idarə edəcək. Matç Bakı vaxtı ilə saat 14:00-da başlayacaq.
16 noyabr
İrlandiya (U-19) - Azərbaycan (U-19)
Zimbru-2 stadionu, Kişinyov. Saat 14:00
Baş hakim: Miloš Milanović (Serbiya)
Baş hakimin köməkçiləri: Novak Novaković (Serbiya), Ghennadi Lisita (Moldova)
Dördüncü hakim: Igor Bosca (Moldova)