AFFA, Təhsil Nazirliyi və "Coca-Cola" şirkəti tərəfindən şagirdlər arasında təşkil olunan "Coca-Cola Məktəbli Kuboku”nun final oyunu keçiriləcək. 19 iyun, saat 14:00-da, Masallı Olimpiya Kompleksində keçiriləcək final qarşılaşmasında Masallı rayon 4 saylı orta məktəbin komandası ilə Ağdam rayonu 18 saylı orta məktəbin komandası qarşılaşacaq.
Xatırladaq ki, 2018/19-cu il mövsümü ərzində “Coca-Cola Məktəbli Kuboku” turnirində ümumilikdə 1550 oyun keçirilib. Yarışda respublika üzrə 1642 məktəb, 16500 şagird iştirak edib.
Coca-Cola Məktəbli kuboku, final
Masallı (4 saylı orta məktəb) - Ağdam (18 saylı orta məktəb)
19 iyun. Masallı Olimpiya Kompleksi. Saat: 14:00
