AFFA-nın Lisenziyalaşdırma Qrupunun rəhbəri Elçin Məmmədov 14-15 iyul tarixlərində UEFA-nın Matç Direktoru qismində Türkiyənin Trabzon şəhərində səfərdə olub.
UEFA tərəfindən ezam olunan E.Məmmədov səfər çərçivəsində ötən mövsüm Türkiyə çempionu olmuş “Trabzonspor” klubunun ev oyunlarını keçirdiyi “Şenol Güneş Spor Kompleksi” stadionunun 2022/23-cü illər UEFA yarışlarına hazırlıq səviyyəsi ilə tanış olub. Həmiçinin, səfər zamanı, klubun nümayəndələri ilə görüşdə yeni mövsümdə tətbiq olunacaq qaydalarda ötən mövsümə nisbətən baş vermiş dəyişikliklər müzakirə olunub.