az en
News / “Kəndlərdə idmanı inkişaf etdirək” layihəsi Şəmkirdə (fotolar)

“Kəndlərdə idmanı inkişaf etdirək” layihəsi Şəmkirdə (fotolar)

Kütləvilik Dərc olundu: 08.12.2021 Çap
AFFA-nın və Şəmkir Rayon İcra Hakimiyyətinin birgə təşkilatçılığı ilə “Kəndlərdə idmanı inkişaf etdirək” layihəsi üzrə növbəti tədbir keçirilib.
 
“Kəndlərdə idmanı inkişaf etdirək” layihəsi Şəmkirdə (fotolar)
Rayonun Yuxarı Çaykənd kəndində keçirilən tədbirdə ümumilikdə 50 məktəbli uşağa futbola marağı artırmaq məqsədi ilə idman geyimləri və futbol topları verilib.
 
Bu layihə Prezident İlham Əliyevin 25 dekabr 2019-cu il tarixində Azərbaycan Milli Olimpiya Komitəsində idmançılarla görüşü zamanı kəndlərdə idmanın inkişafına dair verdiyi tövsiyələrin yerinə yetirilməsi istiqamətində atılmış addımdır.
 
Tədbirdə AFFA-nın vitse-prezidenti, Azərbaycan Uşaq və Gənclər Futbol Federasiyasının prezidenti, Milli Məclisin deputatı Rauf Əliyev, Şəmkir Rayon İcra Hakimiyyətinin başçısı Rəşad Tağıyev, millət vəkili Sabir Hacıyev, Milli Məclisin İcra Hakimiyyəti orqanları ilə əlaqələr şöbəsinin müdiri Rüstəm Mahmudov, Şəmkir Rayon Gənclər və İdman İdarəsinin rəisi Emin İsmayılov, Təhsil İdarəsinin müdiri Qüdrət Əliyev və rayon ictimayyətinin nümayəndələri iştirak edib.
 
Qeyd olunan layihə üzrə 2021-ci il ərzində yerli İcra Hakimiyyəti orqanları ilə birlikdə Respublikamızın müxtəlif bölgələrində - Füzuli, Tərtər, Bərdə, Oğuz, Xəzər, Cəbrayıl, Ağdaş, Tovuz, Gədəbəy, Kürdəmir, Salyan, Göyçay, Beyləqan, Göygöl, Qobustan rayonunun qəsəbə və kəndlərində, Gəncə şəhərinin Kəpəz rayonunda Vətən müharibəsi zamanı düşmənin raket hücumuna məruz qaldığı ərazidə  “Kəndlərdə idmanı inkişaf etdirək” layihəsi üzrə tədbirlər keçirilib. Bu layihə üzrə silsilə tədbirlərin respublikamızın digər bölgələrində də həyata keçirilməsi nəzərdə tutulub.
 
 
Baş Sponsor 
Partnyorlar 
Proyekt Partnyorları