Bu gün Bakı Olimpiya Stadionunda Azərbaycan milli komandasının mətbuat üçün açıq məşqi keçirilib.
AFFA-nın icraçı vitse-prezidenti Elxan Məmmədov və baş katib Sərxan Hacıyev milli komanda ilə görüşüb. AFFA rəsmiləri Malta və Latviya yığmaları ilə keçiriləcək yoldaşlıq görüşlərində millimizə uğurlar arzulayıb. Görüşdə AFFA-nın Texniki direktoru Cahangir Həsənzadə də iştirak edib.
Qeyd edək ki, millimiz martın 25-də Malta, 29-da isə Latviya yığması ilə qarşılaşacaq. Hər iki oyun Maltada keçiriləcək.
