Ölkənin ən kütləvi futbol turniri olan “Məktəbli Kuboku”nun titul sponsoru adına sahib olmaq istəyən şirkətlər Azərbaycan Futbol Federasiyaları Assosiasiyasına müraciət edə bilər. Müraciətləri 23 dekabr 2022-ci il, saat 16:00-a qədər AFFA-nın aşağıda göstərilmiş elektron poçt ünvanına göndərmək olar:
2009-cu ildən etibarən keçirilən “Məktəbli Kuboku” Azərbaycanın 76 şəhər və rayonundan olan 1700-dən artıq məktəbi əhatə edir. Layihə məktəblilərin sosial və fiziki inkişafı, futbolun kütləviliyinin təmin olunması, uşaq futbolunun inkişaf və ümumilikdə məktəblilərin fəal və sağlam həyat tərzinə cəlb edilməsi məqsədi daşıyır.