UEFA Avropa Liqasının üçüncü təsnifat mərhələsinin cavab oyununda Finlandiyanın HJK klubu ilə qarşılaşan “Neftçi” 0:3 hesabı ilə məğlub olaraq turnirdəki çıxışını başa vurub. Təmsilçimizi avrokuboklardakı mübarizəsini UEFA Avropa Konfrans Liqasında davam etdirəcək. “Neftçi” turnirin pley-off mərhələsində İsrailin “Makkabi” (Hayfa) klubu ilə üz-üzə gələcək. Bu komandalar arasında ilk oyun avqustun 19-da Bakıda olacaq.