UEFA Avropa Liqasının I təsnifat mərhələsinin oyunları keçirilib. Bu mərhələdən mübarizəyə qoşulan təmsilçilərimizdən “Neftçi” Sabir Buqrin və Anton Krivotsyukun vurduğu qollarla Şimali Makedoniyanın "Skupi" klubunu 2:1 hesabı ilə məğlub edərək növbəti mərhələyə yüksəlib. Digər təmsilçimiz “Sumqayıt” Şimali Makedoniyanın digər təmsilçisi "Şkendiya"ya 0:2 məğlub olub. “Keşlə” isə Albaniyanın "Laçi" klubu ilə 0:0 hesabı ilə başa çatan oyunun penaltilər seriyasında uduzaraq mübarizəni dayandırıb.