UEFA Çempionlar Liqasındakı təmsilçimiz “Qarabağ” üçüncü təsnifat mərhələsi çərçivəsində Norveçin “Molde” klubu ilə qarşılaşıb. Kiprin Larnaka şəhərindəki “AEK Arena”da keçirilən matçın əsas və əlavə vaxtı 0:0 hesabı ilə başa çatıb. Penalti seriyasında 6:5 hesabı ilə qalib gələn “Molde” növbəti mərhələyə vəsiqə qazanıb.
Təmsilçimiz “Qarabağ” isə mübarizəni Avropa Liqasının pley-off mərhələsində davam etdirəcək. Bu mərhələnin püşkü sentyabrın 18-də İsveçrənin Nyon şəhərində atılacaq.