UEFA Avropa Liqasındakı təmsilçimiz “Qarabağ” pley-off mərhələsinin cavab oyunu çərçivəsində Şimali İrlandiyanın “Linfild” komandası ilə qarşılaşıb.
Tofiq Bəhramov adına Respublika stradionunda keçirilən görüşdə rəqibini 6-cı dəqiqədə Xayme Romero və 88-ci dəqiqədə Abdullah Zubirin vurduğu qollarla 2:1 hesabı ilə məğlub edən “Qarabağ” iki oyunun nəticəsinə əsasən UEFA Avropa Liqasının qrup mərhələsinə vəsiqə qazanıb.
UEFA Avropa Liqası turnirinin qrup mərhələsinin püşkatma mərasimi sabah, Bakı vaxtı ilə saat 15:00-da Monako şəhərində keçiriləcək.