UEFA Çempionlar Liqasında mübarizə aparan “Qarabağ” növbəti mərhələyə yüksəlib.
Bu gün Tofiq Bəhramov adına Respublika stadionunda Sloveniyanın “Olimpiya” klubu ilə qarşılaşan “Qarabağ” qolsuz heç-heçə edib. Bu komandalar arasında Lyublyanada keçirilmiş ilk oyunda təmsilçimiz 1:0 hesabı ilə qələbə qazandığı üçün ikinci təsnifat mərhələsinə vəsiqə qazanıb. İkinci təsnifat mərhələsində “Qarabağ”ın rəqibi Albaniyanın "Kukesi” komandası olacaq.
Bu komandalar arasında ilk oyun iyulun 24-də və ya 25-də, cavab qarşılaşması isə iyulun 31-də və ya avqustun 1-də keçiriləcək.