AFFA tərəfindən təşkil olunan U-17 kubokunun qalibi müəyyənləşib.
ASCO Arenada keçirilən və CBC Sport televiziya kanalı vasitəsilə canlı yayımlanan final oyununda “Qarabağ” və “Qəbələ” komandaları üz-üzə gəlib. Qarşılaşmanın əsas və əlavə vaxtı 2:2 hesabı ilə başa çatıb. Penalti seriyasını daha dəqiq yerinə yetirən “Qəbələ” 5:4 hesablı qələbə qazanaraq U-17 kubokunun qalibi olub. Mükafatlandırma mərasiminda veteran futbolçu Yunis Hüseynov, AFFA-nın Kütləvi Futbol Departameninin müdiri Fərrux İsmayılov və aşağı yaş qrupları üzrə milli komandaların koordinatoru, eyni zamanda, U-16 milli komandasının baş məşqçisi Miloş Velebit iştirak edib.