UEFA Gənclər Liqasındakı təmsilçimiz “Qəbələ” turnirin I mərhələsinin cavab oyunu çərçivəsində Xorvatiyanın “Hayduk” komandası ilə qarşılaşıb. Qəbələ şəhər stadionunda keçirilmiş qarşılaşma 2:1 hesabı ilə rəqib komandanın xeyrinə başa çatıb. “Qəbələ”nin qolunu 52-ci dəqiqədə Şahin Şahniyarov vurub. Qeyd edək ki, bu komandalar arasında keçirilmiş ilk qarşılaşma 3:0 hesabı ilə Xorvatiya təmsilçisinin qələbəsilə yekunlaşmışdı.