Moldovanın paytaxtı Kişinyovda təlim-məşq toplanışını davam etdirən 19 yaşadək futbolçulardan ibarət Azərbaycan milli komandası hazırlıq çərçivəsində bu gün moldovalı həmyaşıdları ilə növbəti yoldaşlıq oyunu keçirəcək. Oyun yerli vaxtla 12:00-da (Bakı vaxtı ilə 13:00) başlayacaq. Xatırladaq ki, bu komandalar arasında iyunun 4-də keçirilən ilk qarşılaşma 1:1 hesabı ilə nəticələnmişdi.