az en
News / UEFA “PlayMaker” layihəsi ilə bağlı görüşlər keçirilib (fotolar)

UEFA “PlayMaker” layihəsi ilə bağlı görüşlər keçirilib (fotolar)

Kütləvilik Dərc olundu: 01.12.2022 Çap
UEFA “PlayMaker” layihəsinin mentoru Sharon Zeevi 29-30 noyabr tarixlərində ölkəmizdə səfərdə olub.
 
UEFA “PlayMaker” layihəsi ilə bağlı görüşlər keçirilib (fotolar)
Mentor səfər çərçivəsində layihəni yaxından izləmək məqsədilə 220 saylı məktəb-lisey və 229 saylı tam orta məktəbdə “PlayMaker” layihəsinin tədbiq olunması ilə yaxından tanış olub. S.Zeevi məşq proseslərini izlədikdən sonra AFFA-nın baş katibi Sərxan Hacıyevlə görüşüb, layihənin ölkəmizdə tədbiqi, gələcək məqsədlər və dəgər məsələlər barədə müzakirələr aparıb. Görüşdə Kütləvi Futbol Departamentinin rəhbəri Fərrux İsmayılov, Qadın Futbolu və Qadınlar Liqasının təşkili şöbəsinin rəhbəri Əminə Həsənova, FSM menecer Kifayət Mustafayeva və “PlayMaker” layihəsinin instruktoru və məşqçiləri Gülyana Özcan, Namiq Cəfərov da iştirak edib. Müzakirələrdən sonra baş katib Sərxan Hacıyev tərəfindən Sharon Zeeviye xatirə olaraq AFFA-nın hədiyyəsi təqdim olunub.
Qeyd edək ki, bir müddətdir UEFA-nın dəstəyi və AFFA-nın təşkilatçılığı ilə ölkəmizdə qadın futbolunun inkişafı məqsədilə 5-8 yaşlı qızlar üçün “PlayMaker” layihəsi təşkil olunur. Layihənin əsas məqsədi "Disney" cizgi filmləri hekayələri üzərindən qızların sağlam həyat tərzinə cəlb edilməsi və eləcə də, sosial bacarıqların, fundamental fiziki hərəkətlərin və futbolun əsaslarının öyrədilməsidir. Bakı şəhəri və digər regionları əhatə edəcək layihə 2023-cü ilin sonuna qədər davam edəcək.
 
Baş Sponsor 
Partnyorlar