Könüllülər

2011-ci ildən başlayaraq AFFA-nın könüllülük proqramı həyata keçirilməkdədir. İndiyə qədər keçirilmiş ən iri həcmli tədbir FIFA U-17 Qadınlararası Dünya Çempionatı 2012 olmuşdur. Bu tədbir ərzində 14 bölmədə 1100-dən çox könüllü iştirak etmişdir. Könüllülük proqramının məqsədi gənclərin aktiv fəaliyyətdə olması, təcrübə toplaması və beynəlxalq tədbirlərdə ölkəmizi təmsil etməsidir. Könüllülərimiz il ərzində müxtəlif  beynəlxalq və yerli oyunlar, yarışlar, təqdimatlar, seminarlar, forumlar və digər tədbirlərdə iştirak edirlər. Könüllülərin fəaliyyət sahələrinə media, protokol, marketing, akkreditasiya, qonaqpərvərlik, tibb, biletlərin yoxlanılması, transport, könüllülərin idarəedilməsi aiddir.