Etibar Allahverdi oğlu Tariverdiyev 10 iyun 1973-cü ildə Bakıda anadan olmuşdur. Termis Bakı (1989-1991), Turan Tovuz (1992-1993), Bakı Fəhləsi (1994-1995), Dinamo Bakı (1996-1998), Şəmkir (1999-2000), Qarabağ-Azərsun (2000-2003), Neftçi (2003-2004), MTK İmişli (2006-2007) kimi klubların oyunçusu olmuşdur.

Məşqçilik karyerasına 2008-ci ildə 17 yaşadək oğlanlardan ibarət Milli yığma komandası ilə başlamışdır. 2010-2012-ci illərdə Abşeron, 2012-ci ildə Neftçi klublarında, 2012-2013-ci illərdə 21 yaşadək oğlanlardan ibarət Milli yığma komandasında, 2013-2014-ci illərdə A Milli yığma komandada, 2010-2014-cü illərdə Sumqayıt FK-da məşqçi vəzifəsində çalışmışdır. Hal-hazırda 15 yaşadək oğlanlardan ibarət Milli yığma komandasında qapıçı-məşqçi funksiyasını yerinə yetirir.