2025/2026-cı illər mövsümü üçün Azərbaycan Futbol Federasiyaları Assosiasiyası tərəfindən 16 yaşadək  (U-16) oğlan futbolçulardan ibarət komandalar arasında keçirilən Azərbaycan çempionatının

 

 

 

1.1. Bu qaydalar liqada iştirak edən komandaların və təşkilinə cəlb olunmuş digər üzvlərin hüquqlarını, vəzifələrini və məsuliyyətini müəyyən edir.

 

 

2.1. AFFA U-16 Liqası aşağıdakı məqsədlər üçün keçirilir:

•Turnirin qalibini müəyyən etmək;

•Uşaq və yeniyetmələr arasında futbolun təbliği və kütləviliyi;

•Uşaq və yeniyetmə futbolçuların peşəkarlıq səviyyəsinin yüksəldilməsi;

•Uşaq və yeniyetmə fubolçuların klublarda hazırlanması və milli komandalara cəlb olunması;

•Komandaların mövsümün yekununda tutduqları yerlərinin müəyyən edilməsi;

 

 3. Yarışlara rəhbərlik

 

3.1. U-16 Liqasının keçirilməsini və ona nəzarəti AFFA həyata keçirir.

3.2. AFFA-nın Liqaların təşkili şöbəsinin nümayəndəsi oyunlarda AFFA nümayəndəsi qismində iştirak edə bilər.

 

 

4.1. U-16 Liqasında klublara və komandalara iştirak hüququnu AFFA verir.

4.2. AFFA U-16 Liqasında bir klub bir ad altında və bir komanda ilə təmsil oluna bilər.

4.3. AFFA U-16 Liqasında cari mövsümdə Premyer Liqada iştirak edən klubların müvafiq yaş qrupundan ibarət komandasının iştirakı mütləqdir.

4.4. Premyer Liqa, I Liqa, II Liqa və Region Liqasında iştirak edən komandalar AFFA U-16 Liqasında iştirak ilə bağlı müraciət edə bilər. Aşağı yaş qrupları üzrə liqalarda (U-14 – U-15 olmaq şərti ilə) son 2 mövsüm ardıcıl iştirak etmiş digər komandalar U-16 Liqasında iştirakla bağlı müraciət edə bilər. Həmin müraciətlər ilə bağlı yekun qərar AFFA-ya məxsusdur.

 

 

5.1. AFFA U-16 Liqasında yaşı 16-dək olan futbolçular iştirak edə bilər (doğum tarixi 01.01.2010-cu ildən başlayanlar).

5.2. 2025/2026-cı illər mövsümündə AFFA tərəfindən keçirilən bütün liqalarda eyni klubun və ya komandanın tərkibinə cəlb olunmuş futbolçu mövcud lisenziyanı təqdim etdikdə, digər liqalarda yaş həddini keçməmək şərti ilə oynaya bilər.

5.3. Futbolçunun müəyyən liqada aldığı cəza digər liqaya şamil olunmur.

5.4. AFFA U-16 Liqasında hər komanda oyun zamanı meydanda Azərbaycan vətəndaşı olmayan maksimum 2 futbolçu ilə çıxış edə bilər (Əvəzetmə zamanı qeyd olunan limit pozulmamalıdır).

5.5. Hər futbolçu mövsüm ərzində ən çox iki klubda çıxış edə bilər.

5.6. Sifariş vərəqəsində göstərilməyən və müvafiq lisenziya almayan komanda üzvləri oyunlar keçirilən zaman texniki zonaya buraxılmır.

 

 

6.1. AFFA-nın rəsmi internet səhifəsində (www.affa.az) olan “Futbola Qoşul” onlayn qeydiyyat sistemində futbolçu və digər iştirakçıların qeydiyyat qaydaları təqdim edilib.

6.2. Qeydiyyat qaydalarında tələb olunan sənədlərə bilərəkdən həqiqi olmayan məlumatı vermək məqsədilə edilən dəyişikliklər sənəd saxtalaşdırılması kimi qəbul edilir və müvafiq olaraq məsuliyyət yaradır.

6.3. Yuxarıda göstərilən hallar aşkarlanarsa, İntizam Komitəsi tərəfindən müvafiq cəza tədbirləri tətbiq olunacaqdır.

 

 

7.1. İştirakçı klublar və ya komandalar bu Əsasnamənin hər bir bəndinə riayət etməlidirlər.

7.2. İştirakçı klublar və ya komandalar FİFA tərəfindən tərtib olunmuş Fair Play prinsiplərinə riayət etməlidirlər.

7.3. Klublar və komandalar onları təmsil edən hər hansı bir şəxsin (futbolçular, rəsmi şəxslər, azarkeşlər, valideynlər və s.) davranışlarına görə məsuliyyət daşıyırlar.

7.4. Ev sahibi komanda oyun zamanı stadionda təhlükəsizlik üçün məsuliyyət daşıyır.

7.5. Ev sahibi komanda qonaq komandaya AFFA tərəfindən verilmiş lisenziyanı (operator) təqdim etdiyi təqdirdə foto və video çəkiliş etmək üçün müvafiq şərait yaratmalıdır. 

7.6. Ev sahibi komanda region komandası (Bakı şəhərindən kənar rayondan gələn komanda) üçün oyun vaxtı təyin edərkən saat 13:00-17:00 radələrini seçməlidir. Komandalar qarşılıqlı razılıq əldə edərsə oyun qeyd olunan vaxtdan fərqli saatda təyin edilə bilər.

7.7. Ev sahibi komanda oyunu 6 (altı) ədəd №5 top ilə təhciz etməlidir.

7.8. Ev sahibi komanda hakimlər və rəqib komandanı soyunub-geyinmə otağı ilə təmin etməlidir.

7.9. Təcili Tibbi Yardım avtomobili və ya həkim briqadası oyuna 15 dəqiqə qalmış stadionun ərazisində olmalıdır (Təcili Tibbi Yardım avtomobili və ya həkim briqadası olmadan baş hakim oyunu başlaya bilməz). Ev sahibi komanda Təcili Tibbi Yardım avtomobili və ya həkim briqadasının vaxtında meydanda olmasına görə məsuliyyət daşıyır. Oyunun başlama saatından 30 dəqiqə ərzində polis və Təcili Tibbi Yardım avtomobili və ya həkim briqadası ev sahibi komanda tərəfindən təmin edilmədikdə hakim oyunun protokolunu bağlaya bilər.

7.10. Ev sahibi komanda bir neçə gün öncə digər şəhərdən gələn qonaq komanda tərəfindən müraciət olunduğu halda məşq üçün meydançanı təmin etməlidir. Komandalar arasında qarşılıqlı razılıq olmadığı halda qonaq komanda gündəlik bir saatdan artıq məşq üçün meydança tələb edə bilməz.

7.11. Hər klub və ya komanda əlaqələndirici şəxsi təyin etməli, həmçinin, əlaqələndirici şəxsin əlaqə telefonu, elektron poçt ünvanını (e-mail) AFFA-nın Liqaların təşkili şöbəsinə təqdim etməlidir.

 

 

7.12. Forma seçimində üstünlük ev sahibi komandaya verilir. Komandalar öncədən oyun forması ilə bağlı razılığa gəlməlidirlər.

7.13. Futbolçunun oyun formasının kürəyində və şortunda nömrəsi olmalıdır. Futbolçunun  şortunun önündə köynəkdəki nömrəsi ilə eyni nömrə yazılmalıdır. Nömrə formadan tam seçilməlidir. Futbol corablarının altında qoruyucular (şitki) olmalıdır.

7.14. İştirakçı klub və ya komanda sponsorun loqosunu futbol formasının üzərində əks etdirmək istədikdə bu haqda öncədən AFFA-nın Liqaların təşkili şöbəsinə məlumat verməlidir.

                                                     

 8. Transfer, icarə və sifariş məsələləri

 

8.1. Hər bir futbolçu eyni zamanda yalnız bir klubda qeydiyyatda ola bilər.

8.2. Cari il ərzində heç bir komandaya cəlb edilməyən oyunçu istənilən zaman komandaya cəlb oluna bilər. 07.01.2026-cı il tarixindən – 06.02.2026-cı il tarixinədək qış transfer pəncərəsi açıq elan edilir.

8.3. Qış transfer pəncərəsi başa çatdıqdan sonra baş tutacaq oyunların protokulunda adı qeyd edilməyən və oyuna daxil olmayan oyunçu digər komandaya cəlb oluna bilər.

8.4. Futbolçuların statusu və transferi ilə əlaqədar yaranan mübahisələrə AFFA-nın Oyunçuların Statusu və Transferi Komitəsində baxılır.

8.5. Yalnız transfer pəncərəsi dövründə edilən müraciətlərin qərarı cari mövsüm ərzində icra oluna bilər. Transfer pəncərsindən əvvəl və ya sonra edilən məsələlərlə bağlı qərar növbəti mövsümə şamil edilir.

8.6. AFFA-nın Oyunçuların Statusu və Transferi Komitəsinin qərarlarından bu qərar alındığı gündən 15 (on beş) gün ərzində AFFA-nın Apellyasiya Arbitraj Tribunalına apellyasiya şikayəti verilə bilər. Apellyasiya Arbitraj Tribunalının qərarı yekun qərardır.

8.7. Təqdim olunan bütün sənədlərə görə klub və baş məşqçi məsuliyyət daşıyır.

 

9.1. AFFA U-16 Liqasında 14 komanda iştirak edir.

9.2. AFFA U-16 Liqası 2 mərhələdən ibarətdir. Birinci mərhələdə komandalar A və B qrupuna bölünərək 2 dövrədən ibarət olmaqla mübarizə aparır. Birinci mərhələdə hər iki qrupda 7 komanda qərarlaşır. Birinci mərhələnin sonunda A qrupunda 5, 6 və 7-ci sırada yer alan komandalar B qrupuna düşəcək. B qrupunun 1, 2, 3 və 4-cü sıralarında yer alan komandalar A qrupuna yüksələcək. Birinci mərhələdə toplanmış xallar ikinci mərhələdə sıfırlanır. İkinci mərhələdə isə A qrupunda 8 komanda, B qrupunda isə 6 komanda mübarizə aparacaq.

9.3. Ölkə çempionu A qrupunun qalibi olan komanda olacaq.

9.4. Mövsümün təqvimi püşkatma yolu ilə tərtib olunur.

9.5. Qaliblərin müəyyən olunması:

Komandaların turnir cədvəlində tutduğu yerlər toplanmış xallara görə müəyyən olunur.

Qələbəyə görə 3 (üç) xal, heç-heçəyə görə 1 (bir) xal verilir, məğlubiyyətə görə isə xal verilmir.

Komandaların xalları bərabər olarsa, turnir cədvəlindəki sıralama ardıcıllığı aşağıdakı göstəricilərə görə müəyyən olunur:

- Komandaların öz aralarında keçirdikləri oyunların nəticələri (toplanan xallar);

- Ümumi qazanılan qələbələrin sayı;      

- Bütün oyunlarda vurulan və buraxılan topların fərqi;

- Bütün oyunlarda vurulan qolların ümumi sayı;

- Komandaların öz aralarında keçirdikləri oyunlarda top fərqi (səfər qolu nəzərə alınmır);

Ən az rəsmi xəbərdarlıq (sarı və qırmızı vərəqələr). Burada sarı vərəqə 1 xal, 2 sarı vərəqəyə görə qırmızı vərəqə 2 xal, birbaşa qırmızı vərəqə 3 xal olaraq qiymətləndirilir. Komandaların mövsüm ərzində həm futbolçularının, həm də rəsmi şəxslərinin aldıqları vərəqələr hesablanır. Yekun xalı daha aşağı olan komanda üstünlük qazanır.

9.6. AFFA U-16 Liqasının oyunları həftənin şənbə və ya bazar günləri keçirilir. İstisna hal kimi digər günlər AFFA-nın Liqaların təşkili şöbəsi tərəfindən təyin oluna bilər. Eyni zamanda hər ay üçün Liqaların təşkili şöbəsi tərəfindən oyunların keçirilməsi üçün ehtiyat gün təyin olunacaq.

9.7. Hər bir klub və ya komandanın əlaqələndirici şəxsi ay ərzində hər hansı turun ilk oyununun başlanmasından ən azı 4 gün öncə oyunun keçirilmə yeri və saat dəyişikliyi ilə bağlı müraciət edə bilər. Müraciətlər yalnız yazılı şəkildə və səbəbi göstərilmək şərti ilə qəbul olunacaqdır.

Misal: əgər turun ilk oyunu həftənin cümə gününə təyin olunubsa, klub və ya komanda həmin həftənin bazar ertəsindən gec olmayaraq müraciət etməlidir.

9.8. Həftəlik təqvim üzrə keçirilməsi planlaşdırılan görüşlərdən hansısa biri müəyyən səbəblərə görə təxirə düşərsə, həmin görüşlərin keçirilməsi üçün öncədən hər ay bir gün təyin edilir və təxirə salınmış oyunlar mütləq həmin gün keçirilməlidir.

9.9. AFFA U-16 Liqasında iştirak edən komandalar xarici ölkələrə təlim-məşq toplanışına və ya beynəlxalq turnirlərə gedərsə və bu səfər Liqanın təqvimi ilə üst-üstə düşərsə, klub 20 gün əvvəl AFFA-ya yazılı məlumat verməlidir. Klubun təlim-məşq toplanışı ilə  AFFA U-16 Liqasının təqvim oyunları üst-üstə düşdüyü halda oyunların təxirə salınıb-salınmaması ilə bağlı son qərarı AFFA verir.

9.10. Turun ilk oyununun başlamasından 4 gün öncə oyunun keçirilmə yeri və ya saat dəyişikliyi ilə bağlı müraciət AFFA-nın Liqaların təşkili şöbəsinə daxil olmadığı halda aylıq təqvim planında göstərilən tarix, yer və saat dəyişilməz olaraq qalacaqdır və oyuna 3 gün qalmış rəsmi məktub klub və ya komandanın əlaqələndirici şəxsinin elektron poçtuna (e-mail) göndəriləcəkdir. Oyunun günü və yeri dəyişilməz qaldığı təqdirdə saat dəyişikliyi ilə bağlı müraciət oyuna ən gec 2 gün qalmış edilməlidir.

 

 

10.1. Oyunlar AFFA tərəfindən təsdiq edilmiş meydanlarda keçirilir. Klublar ev oyunlarını keçirəcəkləri meydan ilə bağlı təminat məktubunu AFFA-nın Liqaların təşkili şöbəsinə təqdim etməlidirlər. Liqaların təşkili şöbəsi meydanı yoxlamağa ehtiyac gördükdə meydanda inspeksiya aparmaq hüququna malikdir. AFFA icazə verdikdən sonra komanda rəqiblərini həmin meydanda qəbul edə bilər.

10.2. Fors-major hallarda komanda meydanı dəyişmək üçün AFFA-ya müraciət edə bilər.

10.3. Meydanda standartlara uyğun iki qapı olmalıdır.

 

 

 

11.1. Oyunun təşkili ev sahibi komanda tərəfindən həyata keçirilir. Ev sahibi komanda tərəfindən hakimlər və komandalar üçün isti suyu olan duş, tualet olan otaqlar təmin edilməlidir.

11.2. Təqvimə uyğun olaraq adı birinci yerdə olan komanda ev sahibi hesab edilir.

11.3. Komandalar oyunun başlamasından 60 dəqiqə öncə oyun keçirilən meydana gəlməlidirlər. (Fors – major hallarına rast gəlinərsə, komanda bu haqda təcili AFFA-nın Liqaların təşkili şöbəsinə məlumat verməli və Liqaların təşkili şöbəsi bu halları araşdırıb müvafiq qərar verməlidir.) Təyin olunan vaxtdan sonrakı 30 dəqiqə ərzində komanda meydanda olmadığı təqdirdə, qarşılaşmanın baş hakimi tərəfindən oyunun protokolu bağlanılır.

11.4. Ev sahibi komandanın 6 rəsmi şəxsindən biri mütləq həkim olmalıdır.

11.5. Texniki zonada hər hansı tütün məmulatlarından və ya elektron siqaretdən istifadə etmək qadağandır.

11.6. Oyun günü ev sahibi komanda AFFA bayrağının stadionda asılmasını təmin etməlidir.

 

 

12.1. Bütün oyunlar FİFA oyun qaydalarına əsasən keçirilir.

• Oyunlar iki hissədən ibarətdir. Hər hissə 45 (qırx beş) dəqiqədir.

• Hissələrarası fasilə isə 15 (on beş) dəqiqədir.

 

 

13.1. Oyunlarda əvəzetmə oyunun protokolunda adları göstərilmiş futbolçularla həyata keçirilir. Oyun ərzində hər komanda 7 əvəzetmədən istifadə edə bilər. Əvəzetmə üçün oyun 4 dəfə dayandırıla bilər (hissələrarası fasilədə edilən əvəzetmə bu saya daxil deyildir).

13.2. Yalnız ehtiyat futbolçu kimi göstərilən 10 nəfər oyun zamanı meydana daxil ola bilər. Oyun zamanı əvəzlənmiş futbolçu meydana bir daha qayıda bilməz.

13.3. Oyun ərzində ehtiyat futbolçular isinmə hərəkətləri etmək üçün texniki zonanı tərk edə bilər. Oyunun baş hakimi oyundan öncə isinmə hərəkətləri üçün təyin olunmuş yerləri komandalara göstərir. İsinmə hərəkətlərini 10 futbolçu eyni anda edə bilər.

Qeyd: Stadionun vəziyyətindən asılı olaraq oyunun baş hakimi eyni vaxtda isinmə hərəkətləri edəcək oyunçuların sayını müəyyən etmək hüququna malikdir.

 

 

14.1. 2025/2026-cı illər mövsümündə  AFFA U-16 Liqasında “FCMS - Yarışların İdarəetmə Sistemi” tətbiq olunacaq.

14.2. Oyunun protokoluna 21 (iyirmi bir) futbolçunun (11 əsas, 10 ehtiyat) adı və soyadı yazılır.

14.3. Komandalar oyundan 75 dəqiqə öncə protokol doldurulub FCMS-ə yerləşdirməlidir.

14.4. İlk 11-lik kimi protokolda göstərilən futbolçular oyuna başlayır. Digər 10 futbolçu ehtiyat skamyasında əyləşir. Futbolçuların futbol formalarında göstərilən nömrələr, protokoldakı nömrələrlə uyğun gəlməlidir.

14.5. Hakimlər briqadası oyundan öncə protokolda göstərilən bütün şəxslərin lisenziyalarını yoxlamalıdır. Yarışda iştirak edən komandanın hər bir üzvü AFFA tərəfindən tərtib olunmuş lisenziyaya malik olmalıdır. Lisenziyada aşağıdakılar əks olunur:

• Lisenziyanın nömrəsi;

• Komandanın adı;

• Şəxsin adı, soyadı, atasının adı;

• Fotoşəkil;

• Təvəllüdü;

14.6. Əgər oyunun protokolu tələb olunan vaxtda FCMS-da yerləşdirilməzsə, bu məsələyə AFFA-nın İntizam Komitəsi tərəfindən baxılacaqdır.

 

 

15.1. Hər iki komanda tərəfindən oyun protokolu FCMS-da yerləşdirildikdən sonra  futbolçuların məlumatlarının protokolda dəyişilməsi qadağandır. İstisna hallar aşağıdakılardır:

• Əgər ilk 11-likdə göstərilən hər hansı futbolçunun oyundan öncə fiziki durumu ilə bağlı problem aşkarlanarsa, o zaman 10 ehtiyat futbolçudan biri ilk 11-liyə daxil oluna bilər. Bu halda oyun ərzində komandanın 10 əvəzetmə ehtiyatı öncədən göstərildiyi kimi qüvvədə qalır;

• Əgər oyun protokolunda göstərilən 10 ehtiyat futbolçudan hər hansı birinin fiziki durumu ilə bağlı problem aşkarlanarsa, o zaman protokolda göstərilməyən, lakin lisenziyası olan digər bir komanda üzvü ilə əvəzlənə bilər;

 

 

16.1. Əgər komanda oyunda iştirak etməkdən imtina edərsə, AFFA-nın İntizam Komitəsi tərəfindən texniki məğlubiyyət verilir.

16.2. Komanda 3 dəfə oyuna çıxmaqdan imtina edərsə, turnirdən kənarlaşdırılır.

16.3. Liqadan kənarlaşdırılan komanda növbəti mövsüm liqaya buraxılmaya bilər.

 

 

Qonaq komanda və hakimlər səfərə çıxmazdan öncə oyunun təxirə salınması

17.1. Əgər ev sahibi komanda meydanın oyuna yararsız vəziyyətdə olduğunu müəyyən edərsə, hakimlər və qonaq komanda səfərə çıxmadan öncə dərhal AFFA-nın Liqaların təşkili şöbəsini bu barədə məlumatlandırmalıdır.

Bu halda:

• AFFA meydanın vəziyyətini yoxlamaq üçün öz nümayəndəsini göndərə bilər;

• AFFA meydanın vəziyyətini əks etdirən fotoşəkillərin elektron poçt (e-mail) vasitəsilə təqdim olunmasını tələb edə bilər;

Qonaq komanda və hakimlər səfərə çıxdıqdan sonra oyunun təxirə salınması

 

17.2. Qonaq komanda və hakimlər səfərə çıxdıqdan sonra oyunun təxirə salınması halında oyunun təxirə salınıb-salınmayacağı ilə bağlı qərarı hakimlər müəyyənləşdirəcəklər.

17.3. Əgər baş hakim oyunun keçirilməsi üçün meydançanın yararsız olması ilə bağlı qərar çıxararsa, bu halda 24 saat ərzində AFFA-nın Liqaların təşkili şöbəsi komandalarla razılaşdırdıqdan sonra oyunun yeni keçirilmə tarixini, saatını və yerini təyin edir. Bu qərar son olaraq dəyişilməz qalır.

17.4. Əgər oyun başladıqdan sonra hər hansı bir səbəbə görə dayandırılarsa, AFFA-nın Liqaların təşkili şöbəsi klublarla və ya komandalarla razılaşdırdıqdan sonra oyunu başqa tarixə keçirə bilər. Oyun dayandırıldığı vaxtdan və həmin ana qədər olan nəticə ilə davam etdiriləcəkdir.

17.5. Təxirə salınmış oyunun yenidən keçirilməsi üçün hər bir komandaya tələb olunan xərclər öz üzərinə düşür. Təxirə düşmüş oyunun yenidən keçirilməsi ilə bağlı günün və məkanın seçilməsində üstünlük ev sahibi komandaya verilir. Əgər komandalar arasında 7 gün ərzində təxirə düşmüş oyunun gününün və məkanının seçilməsi ilə bağlı razılığa gələ bilmirlərsə AFFA-nın Liqaların təşkili şöbəsi tərəfindən bu barədə yekun qərar verilir. Oyunun təyini təxirə düşdüyü gündən etibarən 20 gün ərzində təyin olunur. (İstisna hallar Liqaların təşkili şöbəsi tərəfindən tətbiq oluna bilər.)

17.6. Meydançanın yararsız vəziyyəti ilə bağlı ardıcıl olaraq 2 oyunu təxirə salan komanda 3-cü oyun üçün mütləq meydanı yararlı vəziyyətdə təmin etməlidir.

 

 

18.1. AFFA U-16 Liqasının oyunlarını AFFA-nın Hakimlər Komitəsi tərəfindən təyin edilmiş hakimlər idarə edir və hakimlik FİFA qaydaları əsasında həyata keçirilir. Hakimlər Komitəsi AFFA U-16 Liqanın oyunlarına 3 nəfərdən ibarət hakimlər briqadası təyin edir (1 baş hakim, 2 yan xətt hakimi) .

18.2. AFFA U-16 Liqasında hakimlər eyni zamanda AFFA nümayəndəsi vəzifəsini yerinə yetirirlər.

18.3. Hakimlər briqadası oyunun başlanmasından 60 dəqiqə öncə gəlib, meydançanın oyuna hazırlıq vəziyyətini yoxlamalıdırlar.

18.4. Hakim oyunun keçirilməsinə cavabdeh olan şəxslərdən tələb etməlidir ki, onlar meydança ilə bağlı olan nöqsanları oyunun başlamasına kimi aradan qaldırsınlar.

18.5. Protokollar oyundan sonra tərtib edilməli və növbəti gün saat 12:00-a qədər FCMS-da yerləşdirilməlidir.

18.6. Baş hakim oyunun protokoluna adı daxil edilmiş futbolçuların sənədlərini mütləq yoxlamalıdır. Oyuna cəlb edilmiş futbolçuların və iştirakçıların lisenziyaları zərurət olduqda oyunun sonunadək baş hakimdə qala bilər.

18.7. Komandalar tərəfindən hakimlərin dəyişdirilməsi ilə əlaqədar xahiş qəbul olunmur.

 

 

19.1 Bütün qırmızı vərəqələrə İntizam Komitəsi tərəfindən baxılır. Futbolçular barəsində İntizam Komitəsinin qərarları əsasında müvafiq hüquqi tədbirlər görülür. Oyun zamanı və oyundan sonra baş verən insidentlərlə bağlı bütün qərarları İntizam Komitəsi qəbul edir. İntizam Komitəsinin qərarları www.Affa.az saytında dərc edilir və cəzalı oyunçuların meydanda olub-olmamasına görə məsuliyyəti komanda daşıyır.

 

 

19.2. Ötən mövsüm ərzində qırmızı vərəqə almış oyunçunun cəzası növbəti mövsümə şamil olunmur.

İK-nın qərarına əsasən aşağıda qeyd olunan istisna hallara görə cəza növbəti mövsümə şamil oluna bilər:

• Ciddi dava-dalaşa görə verilən cəzalar.

• Oyun epizodundan kənarda baş verən xüsusi münaqişələr zamanı verilən cəzalar.

19.3. Bütün sarı və qırmızı vərəqələrə görə öhdəlik klubun üzərinə düşür (turu buraxmalı olan oyunçu oyunda iştirak edərsə məsuliyyəti komanda daşıyır).

19.4. Oyunçu qırmızı vərəqə alıbsa və oyunçu haqqında AFFA-nın İntizam Komitəsində qərar çıxarılmayıbsa, həmin oyunçu növbəti oyunda iştirak etmir.

19.5. Qırmızı vərəqə alan futbolçu AFFA-nın İntizam Komitəsinin çıxaracağı qərara uyğun olaraq, komandanın keçirəcəyi müəyyən olunmuş sayda növbəti oyunda (oyunlarda) iştirak etməyəcəkdir.

19.6. Cari mövsüm ərzində mərhələdən asılı olmayaraq dörd sarı vərəqə alan futbolçu növbəti turda iştirak etməyəcəkdir.

19.7. Sarı vərəqələr mərhələdən asılı olmayaraq öz qüvvəsində qalır.

19.8. Baş tutmayan oyundan sonra İntizam Komitəsi tərəfindən texniki məğlubiyyət və ya texniki qələbə alan komandanın həmin oyunda iştirak etməməli olan futbolçuları cəza çəkmiş kimi hesab olunur.

 

 

20.1. Protest verən baş məşqçi oyundan dərhal sonra bu barədə baş hakimi xəbərdar etməli və həmin protestin surətini baş hakimə təqdim etməlidir. Oyunun gedişində ciddi münaqişələr baş verərsə, oyunun baş hakimi və ya yan xətt hakimləri AFFA-nın Liqaların təşkili şöbəsinə öz izahatlarını göndərməlidirlər. Protest komandanın baş məşqçisi tərəfindən imzalanmalı, 48 saat ərzində AFFA-nın Liqaların təşkili şöbəsinə çatdırılmalıdır.

20.2. Protestlərə aşağıdakı hallarda baxılmır:

• 11 metrlik cərimə zərbələrinin təyin olunması;

• 11 metrlik cərimə zərbələrinin təyin olunmaması;

• Oyundankənar (offside) vəziyyətin müəyyən edilməsi barədə;

• Topun qapıdan keçib-keçməməsi barədə;

20.3. İntizam Komitəsinin qərar alındığı gündən 15 (on beş) gün ərzində AFFA Apellyasiya Arbitraj Tribunalına apellyasiya şikayəti verilə bilər. Apellyasiya Arbitraj Tribunalının qərarı yekun qərardır.

 

 

21.1. Liqada ilk 3 yeri tutan komandaların futbolçuları və baş məşqçiləri müvafiq olaraq qızıl, gümüş və bürünc medallar və AFFA-nın diplomları ilə təltif olunacaq.

21.2. Mövsümün sonunda liqanın ən məhsuldar və ən yaxşı futbolçusu seçilir. Onlar da dəyərli hədiyyələrlə mükafatlandırılır.

 

 

22.1. Oyunun işıqlandırılması (video və foto çəkilişin aparılması) üçün mətbuat nümayəndələrinə ev sahibi komanda tərəfindən müvafiq şərait yaradılmalıdır.

22.2. Oyundan sonra müraciət olunduqda hər hansı futbolçu, məşqçi və klub rəsmisindən AFFA-nın mətbuat nümayəndələri müsahibə almaq hüququna malikdirlər.

 

 

23.1. Meydanda reklam lövhələrinin (3 ədəd) yerləşdirilməsi aşağıdakı sxemdə göstərildiyi kimi olmalıdır. Reklam lövhələrinə cavabdehliyi ev sahibi komanda daşıyır.

23.2. Banerlər tələb olunan qaydada quraşdırılmadığı halda, ev sahibi klub və ya komanda oyun üçün meydanı təmin etməmiş kimi qəbul olunur və İntizam Komitəsi tərəfindən bu məsələ ilə bağlı müvafiq qərar çıxarılır.

 

 

24.1 Azərbaycan Respublikası ərazisində hansısa fors-major halla bağlı xüsusi rejimlər tətbiq olunarsa, bu zaman futboldakı qaydalar da buna uyğunlaşdırılacaq və qaydaların yeni versiyası müvafiq qurumlara, eləcə də AFFA-nın işçi qrupuna rəsmi tənzimləmələr şəklində göndəriləcək.

24.2 Bu Əsasnamə AFFA U-16 Liqasının 2025/2026 mövsümünü əhatə edir.

24.3 Bu Əsasnamə 1 sentyabr 2025-ci il tarixdən etibarən qüvvəyə minir və 15 iyun 2026-cı il tarixədək qüvvədədir.

24.4 Mövsüm ərzində Əsasnaməyə dəyişikliklər və əlavələr bu Əsasnaməyə əlavə mətnin təsdiqlənməsi ilə aparıla bilər. Dəyişikliklər barədə komanda nümayəndələrinə rəsmi məlumat verilməlidir.