“Heydər Əliyev İli” ilə əlaqədar Azərbaycan Milli Antidopinq Agentliyi (AMADA) bu ilin aprel ayını ədalətli idman ayı elan edib.
Ədalətli idman ayı ilə əlaqədar “Qoy ədalət zəfər çalsın” təbliğat proqramı çərçivəsində aprelin 30-da “Kapital Bank Arena”da keçirililmiş AFFA Yüksək Qızlar Liqasının “Neftçi” – “Sumqayıt” qarşılaşmasında futbolçular ədalətli idmanın təşviqinə aid xüsusi geyim və əllərində şüarlarla meydana çıxıblar. Qeyd edək ki, qarşılaşma 1:0 hesabı ilə “Sumqayıt” komandasının xeyrinə nəticələnib.
