Bakıda təlim-məşq toplanışı keçirəcək 18 yaşadək futbolçulardan ibarət Azərbaycan milli komandasının heyətində dəyişikliklər olub.
“Dinamo” (Moskva) və “Moskovskaya Zastava-2” komandalarının üzvləri Nəriman Nağıyev və Əhməd Əliyev iki ölkə arasında uçuşların dayandırılması səbəbindən, həmçinin COVID-19 testi pozitiv çıxan Ayxan Süleymanlı toplanışda iştirak edə bilməyəcək. Onların əvəzinə Fərid Kələntərov (“Qəbələ”) və Bahadur Quliyev (“Neftçi”) toplanışa dəvət edilib.