Əliyar Ağayev növbəti təyinat alıb

Yunanıstan Futbol Federasiyasının dəvətinə əsasən, o, Super Liqanın çempionluq qrupunun XXXIV turu çərçivəsində aprelin 28-də keçiriləcək “Panatinaikos” – "Aris" oyununun baş hakimi olacaq. 
“Apostolos Nikolaidis” stadionunda baş tutacaq qarşılaşmada Əliyar Ağayevə Zeynal Zeynalov və Akif Əmirəli kömək edəcəklər. Görüşün 4-cü hakimi funksiyasını Fotios Polychronis yerinə yetirəcək. Matçda Kamal Umudlu VAR, Andreas Fotopoulos AVAR hakimi kimi fəaliyyət göstərəcəklər.
Qeyd edək ki, “Panatinaikos” – "Aris" oyunu Bakı vaxtı ilə saat 21:30-da başlayacaq