UEFA Avropa Liqasında mübarizə aparan “Qarabağ” turnirin qrup mərhələsində növbəti oyununu keçirib. Səfərdə, "Georgios Karaiskakis" stadionunda Yunanıstanın “Olimpiakos” klubu ilə qarşılaşan təmsilçimiz 3:0 hesablı qələbə qazanıb. “Qarabağ”ın qollarını 68-ci dəqiqədə Kvabena Ovusu, 82-ci dəqiqədə Marko Veşoviç və 86-cı dəqiqədə Ramil Şeydayev vurub. Təmsilçimiz qrup mərhələsinin IV turunda oktyabrın 13-də, Tofiq Bəhramov adına Respublika stadionunda “Olimpiakos” klubu ilə qarşılaşacaq.
