Azərbaycan milli komandalarının rəsmi tərəfdaşı PAŞA Sığortanın dəstəyi ilə “Məhəllə Futbolu” layihəsinin növbəti mərhələsinə start verilib. Ötən il Bakı şəhərində 2 məhəllədə quraşdırılan səyyar meydançanın bu il ilk ünvanı Şəki şəhəri seçilib. Meydança martın 9-dan etibarən Şəki şəhərindəki 19 nömrəli məktəbin həyətində quraşdırılıb martın sonuna qədər həmin ünvanda olacaq. Meydançadan istifadə ödənişsizdir.
