AFFA-nın və AzMİU-nun birgə təşkilatçılığı ilə AzMİU-nun fakültələri arasında ümummilli lider Heydər Əliyevin anadan olmasının 100-cü ildönümünə həsr olunmuş futzal turnirinə yekun vurulub.
Azərbaycan Memarlıq və İnşaat Universitetinin İdman zalında keçirilən final qarşılaşmasında Nəqliyyat fakültəsinin komandası Su təsərrüfatı və mühəndis kommunikasiya sistemləri fakültəsinin komandasını 5:2 hesabı ilə məğlub edərək turnirin qalibi olub. Qalib komanda AFFA tərəfindən kubokla təltif edilib. Turnirdə ilk üç yeri tutan komandalara müvafiq medallar və diplomlar təqdim olunub, müxtəlif nominasiyalar üzrə fərqlənən oyunçulara mükafatlar verilib. Qalib komandaya kuboku Kütləvi Futbol Departamentinin rəhbəri Fərrux İsmayılov və universitet rəhbərliyi birlikdə təqdim edib.
