Bakıda təlim-məşq toplanışını davam etdirən çimərlik futbolu üzrə Azərbaycan milli komandası hazırlıq çərçivəsində növbəti yoldaşlıq oyununu keçirib.
Su İdman Sarayının çimərlik meydançasında Türkiyə yığmasına qarşı keçirilmiş oyunun əsas vaxtı 4:4 hesabı ilə nəticələnib. Penalti seriyasını daha dəqiq yerinə yetirən Türkiyə millisi yekunda 5:4 hesablı qələbə qazanıb. Ramil Əliyevin dubl etdiyi oyunda millimizin digər qollarını Comərd Baxşəliyev və İsa Zeynallı vurub.
Qeyd edək ki, bu komandalar arasında iki gün əvvəl keçirilmiş ilk oyun 6:5 hesabı ilə Türkiyə millisinin xeyrinə nəticələnmişdi.