AFFA, PFL və Misli Premyer Liqa klublarının əməkdaşlarından ibarət komandaların iştirakı ilə təşkil olunan “Zəfər” turnirinə yekun vurulub.
Turnirin ilk yarımfinal oyununda “Turan Tovuz” üzərində 5:2 hesablı qələbə qazanan “Neftçi” finala vəsiqə qazanıb. Yarımfinalın digər qarşılaşmasında “Səbail” PFL-i 2:1 hesabı ilə məğlub edib. Həlledici qarşılaşmada “Neftçi” üzərində 3:1 hesablı qələbə qazanan “Səbail” III “Zəfər” turnirinin qalibi olub. PFL isə "Turan Tovuz"u 8:4 hesabı ilə məğlub edərək 3-cü olub. Qalib komandaya kuboku AFFA-nın baş katibi Sərxan Hacıyev və Kütləvi Futbol Departamentinin rəhbəri, veteran futbolçu Fərrux İsmayılov birlikdə təqdim edib.
