Bu gün AFFA-nın inzibati binasında I Liqa, II Liqa və Əvəzedicilər liqalarını idarə edən hakimlər üçün seminar təşkil edilib.
Hakimlər Komitəsinin sədri Barış Şimşəyin rəhbərliyi altında keçirilmiş seminarda sabiq FIFA referisi, Hakimlər Komitəsinin üzvü Ömər Paşayev tərəfindən dərslər keçirilib. Seminarda həm UEFA-nın təqdim etdiyi, həm də daxili yarışlarda qeydə alınan oyunlardan hazırlanan epizodlar izlənilib, fikir mübadiləsi aparılıb, qarşıdakı turlar üçün lazımi təlimatlar verilib.
